Den 10. oktober kvart år blir Verdsdagen for psykisk helse markert verda over. I Noreg blir dagen markert med ei nasjonal folkehelsekampanje som mobiliserer skular, arbeidsplassar, organisasjonar og eldsjeler over heile landet. Temaet for 2024 er “Me treng å snakke meir saman. #gi8minutter”. Kampanjen oppmodar til å setje av 8 minutt kvar dag for å ringe nokon du bryr deg om. Det er enklare enn du trur, og betyr meir enn du anar. Du kan lesa meir på nettsidene for verdsdagen. Verdsdagen for psykisk helse samanfell i år med haustferieveka og biblioteket inviterer alle, både dykk som har ferie og dykk som jobbar heile veka, til å ta turen innom biblioteket og bli med på markeringa!
Biblioteket i Sogndal markerer heile veke 41, med utstillingar og arrangement:
Tysdag 8. oktober kl. 18-21: “Sy ditt eige handlenett” – sykurs for nybyrjarar med Sogndal Husflidslag. NB! Påmelding pga avgrensa plassar.
Torsdag 10. oktober kl. 16-19: Kreativ verkstad med Vegard Sveen.
Fredag 11. oktober kl. 11:30 – 12:00: “Einsemd er like skadeleg som røyking” – lunsjforedrag med Kirsten Flaten.
Heile veka kan du finne puslespel og brettspel i biblioteket.