Digitale tenester
Filmoteket
Sogndalsbiblioteka tilbyr strøyming av kvalitetsfilmar gjennom tenesta Filmoteket.
Du kan sjå film på PC, Mac, nettbrett og smarttelefonar på Windows, iOS og Android og i alle kjende nettlesarar. Filmen kan òg enkelt overførast til større skjerm, til dømes TV via AirPlay og Chromecast. Filmtilbodet er tilgjengeleg når som helst og kvar som helst.
Filmbib
Sjå gratis film på nettet!
Filmbib lar deg låna norske kort- og dokumentarfilmar frå biblioteka i Noreg. Tilbodet er tilgjengeleg for norske IP-adresser. Logg inn med Nasjonalt bibliotekkort og PIN-kode frå biblioteket.
Om du manglar lånekort eller PIN-kode, eller har problem med innlogginga, må du ta kontakt med biblioteket.
BookBites
BookBites gjer det enkelt å låna e-bøker og lydbøker gratis frå biblioteket.
Alle kan lasta ned appen og oppretta ein brukar, men for å låna bøker må du ha bibliotekkort frå biblioteket.
Stikk innom oss om du manglar bibliotekkort.
PressReader
Les nye aviser og tidsskrift frå heile verda i komplett digital utgåve. Du kan lesa på nettbrett, smarttelefon eller datamaskin.
Når du brukar biblioteket sitt nettverk kjem du rett inn i tenesta. Du kan òg lasta ned aviser og tidsskrift i inntil 72 timar etter at du har vore logga på PressReader i biblioteket. Lag deg brukar direkte i Pressreader-appen, eller finn Pressreader via pålogging på MinSide eller Bibliofil-appen
Bibliofil-app
Biblioteka i Sogndal kommune brukar biblioteksystemet Bibliofil. Når du lastar ned Bibliofil-appen til mobil eller nettbrett, kan du sjølv få tilgang til fleire av biblioteket sine tenester. Du kan søka etter bøker i biblioteket sine samlingar, reservera bøker og fornya låna dine sjølv. I Bibliofil-appen har du òg tilgang til det elektroniske lånekortet ditt, slik at du alltid har lånekortet med deg. – Last ned appen på App Store eller Google Play. – Velg “Vestland fylke” og deretter “Sogndal bibliotek”. – Logg på med lånenummer og pinkode. Dersom du manglar lånenummeret ditt eller har gløymt pinkoden, ta kontakt med biblioteket.
Nettbiblioteket
I nettbiblioteket finn du materiale Nasjonalbiblioteket har digitalisert og tilgjengeleggjort, mellom anna mengder av bøker, tidsskrift, aviser og bilete.
Noko av materialet er berre tilgjengeleg for forsking og dokumentasjon, les meir under «Utvida tilgang».
Leser søker bok
Leser søker bok er ei foreining som jobbar for at alle skal ha tilgang til god litteratur, gjennom å gje ut bøker som er tilpassa ulik leseevne. Leser søker bok samarbeider med folkebibliotek rundt om i landet, i såkalla “bok-til-alle-bibliotek”. Biblioteka i Sogndal kommune har eit utval av bøker som er lette å lesa. Leser søker bok har ei eiga nettside med søk etter tilrettelagde bøker: www.boksøk.no.
Lovdata Pro
I bibliotekversjonen av Lovdata Pro kan du søka etter lover, forskrifter, dommar og stortingsvedtak. Her har du tilgang til dei fleste dokumenta som ligg i fullversjonen av Lovdata Pro, men utan dei personlege arbeidsverktøya som finst i fullversjonen. Lovdata pro er berre tilgjengeleg frå datamaskinene i biblioteka i Sogndal kommune.
Det flerspråklige bibliotek
Det flerspråklige bibliotek (DFB) har bøker og anna materiale på mange språk. Kikk gjerne på DFB sine nettsider og fortel oss kva du ønskjer å låna, eller spør oss om å låna inn bøker på det språket du ønskjer.
Lesekroken
Lesekroken.no er ein digital eventyrportal med norske folkeeventyr på 22 språk. Portalen inneheld e-bøker og e-lydbøker med eventyr frå Asbjørnsen og Moe sine samlingar på bokmål, nynorsk, bokmål og samisk, samt 19 av dei mest vanlege framandspråka i Noreg. Lesekroken.no passar for alle, både tospråklege, fleirspråklege og dei med norsk som morsmål. Du finn òg ulike oppgåver og aktivitetar knytt til eventyra, som karaoke, puslespel og fargelegging. Logg inn på lesekroken.no med passordet: sognbib23
Tibi
Norsk lyd- og blindeskriftbibliotek har bytta namn til Tibi. Tibi produserer og låner ut lydbøker og bøker i punktskrift. Barn, ungdom og vaksne som har vanskar med å lesa trykt tekst og vanlege bøker på grunn av funksjonsnedsetjing eller sjukdom, kan melda seg inn i Tibi og få tilbod om å låna.
Biblioteksøk
Med Biblioteksøk kan du låna frå alle norske bibliotek. Med eit enkelt søk på bibsok.no kan du finna bøker, lydbøker, filmar eller musikkinnspelingar frå heile landet. Ved å logga inn med Nasjonalt lånekort, kan du bestilla til ditt lokale bibliotek.
Verdensbiblioteket
På Verdensbiblioteket.no finn du e-bøker og lydbøker på fleire språk. Du kan lesa og lytta til bøker på mellom anna arabisk, tigrinja, albansk, persisk, somali og ukrainsk. Tenesta er gratis, og du opprettar sjølv ein brukar med e-postadresse og passord. Deretter kan du logga inn for å lesa og lytta.
Billedbokhylla
Søk etter digitaliserte biletbøker hjå Billedbokhylla til Hammerfest bibliotek. Mange gode biletbøker blir utslitne og forsvinn frå biblioteket. Fleire av desse bokskattane er skanna av Nasjonalbiblioteket og ligg tilgjengeleg som e-bøker hjå Hammerfest bibliotek.
Bokselskap.no
På Bokselskap.no kan du lesa norske klassikarar på nett eller lasta ned til nettbrett eller mobil. Tenesta er gratis.