«Alvor og tull» – ei diktbok blir til. Tom Dybwad i samtale med Vibeke Johnsen

Velkomen til ei stund med «Alvor og tull» – dikt, ettertanke og musikk måndag 16. november kl. 19.

Med både alvor, humor og eit skråblikk på verda inviterer Tom Dybwad oss inn i eit poetisk univers der naturen, livet og samfunnet står i sentrum. Her finn vi tankar om naturvern og trugsmål mot naturen, men òg finurleg ordleik, humor og ettertanke om livet vi lever.

Tom Dybwad er utdanna naturforvaltar frå Noregs landbrukshøgskule og har cand.mag.-grad i samfunnsfag frå Universitetet i Bergen. Han er no pensjonist, men har gjennom eit langt yrkesliv arbeidd med naturvern, jordbruk og undervisning. Han har tidlegare gjeve ut to bøker. Friluftsliv og musikk har vore viktige følgjesvenar gjennom livet. Tom har spelt i band og skrive låtar i ei årrekkje – og denne gongen får vi òg oppleve musikalske innslag!