Katrine Sele i samtale med Solveig Mork Holmøyvik

Tysdag 14. oktober kl. 18 kan du få med deg Katrine Sele i samtale med Solveig Mork Holmøyvik.

I vår kom Katrine Sele med si sjuande bok, «Menn som nesten elska meg». Boka har fått svært god mottaking,  og er omtala som modig, dristig og «forbløffande uredd og nyansert». Katrine og Solveig snakkar om kjærleik, lengt og andre kjensler, og kva som får elles sjenerte forfattarar til å dele om det mest sårbare, og kvifor dette har ein verdi.

Katrine Sele er journalist og forfattar, og arbeider til dagen for Høgskulen på Vestlandet. Ho er for tida aktuell med boka «Menn som nesten elska meg», ei personleg forteljing om kjærleikens utfordringar. Solveig er forfattar og språkvitar, kjent for boka «Ro deg ned!».