Sogn bunadnettverk inviterer til Bunadfest!
Den 6. desember vert “Bunadbruken i Norge, tradisjonshåndverk og sosial praksis” (vonar me!) innskriven på UNESCO si liste over immateriell kulturarv. Denne innskrivinga får me på grunn av den breide og folkelege bruken vår, handverket som ligg bak og den store variasjonen av bunadstradisjonar over heile landet. Det finst over 450 ulike bunader i Norge, og den fyrste veka i desember vert dei alle offisielt ein del av den levande kulturarven i verda. Dette synest me det er på sin plass å feire!
Institutt for bunad og folkedrakt, Norges Husflidslag, Noregs Ungdomslag, Norsk folkedraktforum og Studieforbundet kultur og tradisjon har skrive søknaden på vegne av Kulturdepartementet og den norske stat.
På Sentralen i Oslo vert det ein samankomst for organisasjonane som har jobba med nominasjonen, samarbeidspartnerar og innbodne gjester. Størstedelen av programmet her vert strømma på Facebook-sida til Bunadbruk til UNESCO.
Me syner overføringa på biblioteket, og serverer kaffi og kaker.
Arrangementet er gratis og alle er velkomne. Still gjerne i bunad!